ಕನ್ನಡಿ - ಕನ್ನಡಕ

ಮನೆಯಲ್ಲಿದ್ದ ಒಂದೇ ಕನ್ನಡಿಯು ಒಡೆದು ಹೋಯಿತು..... 
ಮೊಮ್ಮಗಳು "ನಾಳೆ ಕಾಲೇಜಿಗೆ ಹೋಗುವಾಗ ’ಅವನಿಗೆ’ ನಾನು ಚಂದ ಕಾಣಬೇಡವೆ ಛೇ!! ಈಗ ಅಲಂಕಾರ ಹೇಗೆ ಮಾಡಿಕೊಳ್ಳಲಿ??" ಎಂದುಕೊಂಡಳು.
ಮೊಮ್ಮಗ "ಛೆ!! ಮುಂದೆ ನಾನು ಸಿನೆಮ ಸ್ಟಾರ್ ಆಗೋನು ಈ ಸುಟ್ಟ ಮನೆಯಲ್ಲಿ ಒಂದು ಕನ್ನಡಿಗೂ ಗತಿಯಿಲ್ಲ!!" ಎಂದು ಬೈದುಕೊಂಡ
ತಂದೆ ತಾಯಿಯರಿಬ್ಬರನ್ನೂ ಕಳೆದು ಕೊಂಡ ಆ ಮೊಮ್ಮಕ್ಕಳನ್ನು ಹೊಲಿಗೆ ಕೆಲಸ ಮಾಡಿ ಅವರಿಗೆ ಯಾವ ಕೊರತೆಯೂ ಬರದ ಹಾಗೆ ಸಾಕುತ್ತಿದ್ದ ಅಜ್ಜಿಯು ಹೊಸ ಕನ್ನಡಕಕ್ಕೆಂದು ತೆಗೆದಿಟ್ಟ ಹಣದಲ್ಲಿ ಕನ್ನಡಿ ತಂದಿಟ್ಟು ತನ್ನ ಸೀಳು ಬಿಟ್ಟ ಕನ್ನಡಕ ಧರಿಸಿ ಕೆಲಸ ಮುಂದುವರೆಸಿದಳು.........